Friday, 6 July 2018

चित्रकाव्य ( जिद्द )

स्पर्धेसाठी

चित्रकाव्य

    जिद्द

फुलायचयं या जगी ,
ऊमलायचयं मला .
आली जरी संकटे अनेक ,
जिद्द दाखवायचीय जगाला.

जिद्दीने वर यायचयं मला ,
संघर्षाच्या या दुनियेतून .
फोडून जमीन यायचयं वर,
बाजूला व्हायचयं चाकोरीतून.

अडथळे संकटांचे कीतीही येवोत,
अलगद ऊचलून टाकायचयं .
नाही अवघड काहीच येथे ,
जगाला साऱ्या दाखवायचयं

कोमल अंग जरी माझे ,
शिरावर ओझे पेलले मी .
जिद्द पाहून माझी आज ,
दुभंगला रस्ता जिंकले मी.

संघर्षाच्या वाटेवर ,
यशाची आहेत फुले .
जीवनाच्या प्रांगणात ,
सुख दु:ख एकत्र झुले .

कवयित्री
श्रीमती माणिक नागावे
कुरुंदवाड, ता.शिरोळ
जिल्हा. कोल्हापूर.

Thursday, 5 July 2018

कविता ( वारी )

स्पर्धेसाठी

विषय - वारी पंढरीची

शिर्षक - वारी

वैष्णवांची वारी,निघाली पंढरपूरी
पहावया रुप, उभे विटेवरी .
पुंडलिका भेटी , आला पंढरी
सेवा मायबापाची,तृप्त हा अंतरी

विठ्ठल नामाचा,गजर तो झाला
तृप्त झाले मन,नाद कानी आला
सान थोर भेदांना,नसे थारा
एकदिलाने रमती,बेधुंद आसमंत सारा

वारकरी सारे , गोळा दर्शनाला
आला पूर भाविकांचा चंद्रभागेला
माऊलीच्या गजरात झाली गळाभेट
नाही सहन होणार आता ताटातूट

किती वर्णू हा नयनरम्य सोहळा
आनंदच त्याचा आगळावेगळा
भक्तीसागरात चिंब मी न्हालो
लोभस दर्शनाने पावन की झालो

कवयित्री
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर.
9881862530

Wednesday, 4 July 2018

चारोळी ( कविता (.गुच्छ शुभेच्छांचा )

स्पर्धेसाठी

चारोळी

विषय -- गुच्छ शुभेच्छांचा

गुच्छ शुभेच्छांचा घेऊन हाती
सुहास्यवदने जन ऊभे दारी
औक्षणाच्या निरांजनांसह
आशिष देण्या नातलग आले घरी.

श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर

सहाक्षरी कविता( कसे सांगू तुला )

स्पर्धेसाठी

सहाक्षरी

विषय-- कसे सांगू तुला

कसे सांगू तुला,
आशा मनातल्या.
बेधुंद झाल्यात,
वाटा वाणीतल्या

आज दिवस हा
खास माझ्यासाठी.
मनमयुर हा ,
नाचे कोणासाठी.

औक्षण करण्या ,
निरांजने करी .
कुंकुत तिलक
शोभे  भालावर .

कसे सांगू तुला ,
भाव मनातला ,
सलज्ज भावना
शोभे कुटुंबाला.

कवयित्री
श्रीमती माणिक नागावे
कुरुंदवाड 
ता. शिरोळ, जिल्हा- कोल्हापूर

Saturday, 30 June 2018

षटकोळी ( पहाट )

षटकोळी

पहाट

येते अलगद जाग
होता पहाट मजला
आळस सोडून बाजूला
उठते हळूच सहजी
कामाचा डोंगर पाहूनी
लागते कामे उरकायला

रचना
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर

Wednesday, 27 June 2018

षटकोळी ( आम्ही सावित्रीच्या लेकी)

स्पर्धेसाठी

षटकोळी

आम्ही सावित्रीच्या लेकी

आम्ही सावित्रीच्या लेकी
लावूया रोपे वडाची
करुया पूजा श्रमाची
जगण्यासाठी आज जगी
ऑक्सिजनची पूर्तता करु
रक्षा करु पर्यावरणाची

रचना
श्रीमती माणिक नागावे
कुरुंदवाड, ता.शिरोळ
जिल्हा. कोल्हापूर.

काव्यांजली ( आजची सावित्री )

स्पर्धेसाठी

काव्यांजली

विषय - आजची सावित्री

   आजची सावित्री
काम करते सत्यवानाबरोबर
    साथ खरोखर
          देतसे

   सत्यवानाच्या सावित्रीने
    प्राण वाचविले पतिचे
       रोखले यमास
           प्रयत्न

     वृक्षारोपण करते
  लावून झाडे वडाची
    रक्षा पर्यावरणाची
           करते

     मिळेल ऑक्सिजन
भरपूर प्रमाणात तुम्हाला
      फायदा जगाला
             होईल

   आजच्या सावित्रीने
अंधश्रद्धा सोडून द्यावी
    विज्ञानाची धरावी
            कास

रचना

श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर.