उपक्रम
अष्टाक्षरी
मायबाप
असतात नेहमीच
हृदयात माता पिता
मुलांच्याच आनंदात
नाही होत कधी रिता
सकलांना दे आधार
मानस्तंभ घरातील
आज्ञा त्यांच्या मानाव्यात
मनातून फुलतील
प्रेरणाच देती सदा
आपल्याच लेकरांना
यशोगाथा लिहण्यास
प्रोत्साहन पाखरांना
मायबाप छायावृक्ष
सदा उभे शिरावर
जसा देतो सावलीच
वट गोल पारावर
बोल अनुभवी देती
संकटात सावरती
लक्ष देऊन ऐकावे
सुखी क्षण जागवती
लेक लाडकी लाडाची
पाठवणी करतात
रडताना डोळ्यांनाच
उगीचच पुसतात
कवयित्री
श्रीमती माणिक नागावे
कुरुंदवाड, जिल्हा. कोल्हापूर
