Saturday, 15 December 2018

बालकविता ( परीराणी )

स्पर्धेसाठी

बालकविता

विषय -- परीराणी

परी गं परी ,
आहेस का बरी.
येतेस का तू ,
माझ्या घरी.

पांढरे शुभ्र पंख तुझे,
ऊडत येतेस भरभर.
शोधतो आम्ही,
तूला गं घरभर.

जादूची छडी,
हातात शोभते.
कशी काय बाई,
तू जादू करते ?

पायात बूट,
तूझ्या चंदेरी.
दिसतेस मला,
तू खूपच भारी.

ईवले ईवले,
तूझे डोळे छान.
हळूच कलवतेस,
ईवलीशी मान.

हसरा चेहरा,
पाहून परीराणीचा.
आनंद वाटतो बालचमूला,
अनुभव छान खेळण्याचा.

कवयित्री
श्रीमती माणिक नागावे
कुरुंदवाड, जिल्हा. कोल्हापूर

चित्रकाव्य अष्टाक्षरी ( दुष्टचक्र )

स्पर्धेसाठी

चित्रकाव्य

अष्टाक्षरी

विषय - दुष्टचक्र

दुष्टचक्र फिरतयं,
माझ्या रोज डोक्यावर.
समजेना काय करु,
जगू ? जावू फासावर ?

सावकार आवळतो,
फास माझ्या गळ्यावर.
देऊ कसा आता पैसा,
पीक नाही खळ्यावर ?

घरदार सारं गेलं,
चंद्रमौळी नाही आता.
हाती काय माझ्या आलं ?
कोण आहे माझा त्राता ?

शेतकरी काळजीत,
चिंता आभाळभरुन.
मन ऊदास झालयं,
आले डोळे ओलावून.

हात विक्राळ केसाळ,
गोळा करतो कमाई.
आगतिक असहाय्य,
करु कशी भरपाई ?

बैल करतो विचार,
धनी कसा ऊभारेल ?
गाडी जोडून शेतात,
कसा बरं मी धावेल ?

दुष्टचक्र थांबेल का ?
अच्छे दिन येतील का ?
पोशिंद्याला जगताना,
समाधान लाभेल का ?

© कवयित्री
श्रीमती माणिक नागावे
कुरुंदवाड, जिल्हा. कोल्हापूर.
9881862530

Tuesday, 11 December 2018

चारोळी ( इच्छापूर्ती )

स्पर्धेसाठी

चारोळी

विषय-- इच्छापूर्ती

सतत झटावे अखंडीतपणे ,
करण्या पूर्ण आपली इच्छापूर्ती.
साध्य ईप्सित करण्यासाठी करा
प्रयत्न , होईल हो कामनापूर्ती

रचना
श्रीमती माणिक नागावे
कुरुंदवाड, जिल्हा. कोल्हापूर.

चित्रकाव्य बालकाव्य ( मनीमाऊ )

स्पर्धेसाठी

चित्रकाव्य

बालकविता

शिर्षक-- मनीमाऊ

मनीमाऊ मनीमाऊ,
अंग तुझे किती मऊ .

गोजिरवाणे तुझे अंग,
पाहून सारे झाले दंग.

गुबगुबीत तुझे गाल,
डोळे दिसतात हिरवे लाल.

लुसलुशीत तुझे पाय,
आवडे तुला दुधाची साय.

वाघाची मावशी म्हणती सारे,
आंजारतात,गोंजारतात सारी पोरे.

पितेस दुध वाटीभर,
फिरतेस तू घरभर.

तोंड वर करुन काय विचारतेस,
म्याव म्याव करुन ओरडतेस.

दात तुझे अनकुचीदार,
वाटे बाई भिती फार.

नाक लाल ईवले ईवले,
कशाने बरे असे झाले ?

बसली आहेस फरशीवर,
लागत असेल ना थंडगार?

कान ईवले टवकारले,
कोण तुला काय बोलले?

लक्षात ठेव एक गोष्ट,
सांगून ठेवते तुला स्पष्ट.

मनीमाऊ मनीमाऊ,
चोरुन दुध नको पिऊ.

कवयित्री
श्रीमती माणिक नागावे
कुरुंदवाड, जिल्हा. कोल्हापूर

चारोळी ( व्यथा मांडतो मी )

स्पर्धेसाठी

झटपट चारोळी स्पर्धा

विषय- व्यथा मांडतो मी

काव्यातून आज व्यथा मांडतो मी
समाजातील या कथा सांगतो मी 
परिवर्तनाचा ध्यास असा मनी 
घेऊन शब्दांनी जगी लढतो मी

रचना
श्रीमती माणिक नागावे
कुरुंदवाड, जिल्हा. कोल्हापूर

Monday, 10 December 2018

चारोळी ( संकल्प )

स्पर्धेसाठी

चारोळी

विषय - संकल्प

यशस्वी जीवनात गरज आहे
संकल्प ठाम मनात धरण्याचा
करु पाठपुरावा ध्येयसिद्दीचा 
गौरव होई सहज विजयाचा

रचना
श्रीमती माणिक नागावे
कुरुंदवाड, जिल्हा. कोल्हापूर

Saturday, 8 December 2018

चित्र चारोळी ( शिदोरी )

स्पर्धेसाठी

चित्र चारोळी

चढतोय मी वाट गदर्भासंगे 
वाट जरी बिकट असली तरी
तेजाळती रविकिरणे साथीला
घेऊन काठी हाती  पाठी शिदोरी 

रचना
श्रीमती माणिक नागावे
कुरुंदवाड, जिल्हा. कोल्हापूर