स्पर्धेसाठी
चारोळी
विषत - महापरिनिर्वाण दिन
महापरिनिर्वाण दिन महामानवाचा
निर्मितीकार भारतीय संविधानाचा
मंत्र दिला शिकून संघर्ष करण्याचा
केला उद्धार समाजबांधवांचा
रचना
श्रीमती माणिक नागावे
कुरुंदवाड, जिल्हा. कोल्हापूर
स्पर्धेसाठी
चारोळी
विषत - महापरिनिर्वाण दिन
महापरिनिर्वाण दिन महामानवाचा
निर्मितीकार भारतीय संविधानाचा
मंत्र दिला शिकून संघर्ष करण्याचा
केला उद्धार समाजबांधवांचा
रचना
श्रीमती माणिक नागावे
कुरुंदवाड, जिल्हा. कोल्हापूर
स्पर्धेसाठी
चारोळी
विषय -- ज्ञानियांचा राजा
( १ )
थोर संत योगी तत्वज्ञानी
प्रवर्तक भागवत संप्रदायाचे
लिहून भावार्थदीपिका महान
व्यक्त विचार तत्वज्ञानाचे
( २ )
ज्ञानियांचा राजा थोर ज्ञानेश्वर
प्रेरणा आध्यात्मिक लोकशाहीची
दिधले सकल जनांना ग्रंथातून
महती मराठी संस्कृतीची
( ३ )
ज्ञानियांचा राजा ज्ञानदेव
निवृत्तीनाथ सद्गुरु तयांचे
संकल्प ज्ञान संस्कृत भाषेतील
पाकृत मध्ये आणायाचे
( ४ )
वर्णिली महती मराठी भाषेची
लिहील्या ओव्या नऊ हजार
दुजा ग्रंथ जीव-ब्रम्ह ऐक्याचा
तत्वज्ञानाचा केला प्रचार
( ५ )
केले गर्वहरण चांगदेवाचे
लिहून चांगदेव पासष्टी
केले तीर्थाटन अमृतानुभवानंतर
समाधीमरणाची झाली पुष्टी
( ६ )
लिहून पसायदान वांछीले
ईच्छा पुऱ्या व्हाव्या सर्वांच्या
माऊली म्हणती संप्रदाय वारकरी
पाया रचला तीरी चंद्रभागेच्या
( ७ )
संजीवन समाधी इंद्रायणी काठी
मावळला ज्ञानसूर्य सहजच
प्रणाम तुजला एकवीस वय
झुकतो माथा आपसूकच
कवयित्री
श्रीमती माणिक नागावे
कुरुंदवाड, जिल्हा. कोल्हापूर
स्पर्धेसाठी
चारोळी
विषय- अपंगत्वावर मात
करुनी अपंगत्वावर मात
दिव्यांग पुढे आज चालला
पादाक्रांत यशोशिखरे करुनी
आदर्श समाजापुढे घातला
रचना
श्रीमती माणिक नागावे
कुरुंदवाड, जिल्हा. कोल्हापूर
चित्रकाव्य स्पर्धेसाठी
निराश्रीत अश्रू
ध्येयासक्त नजर शोधते,
कुठे मिळेल आसरा मला.
निराश्रीत अश्रू वाहती ,
थोपवण्याची आहे कला.
झिडकारले जरी दुनियेने,
समर्थ तुझा आहे हा दादा.
बिलगून छातीशी निवांत,
रहा तू हाच माझा वादा .
सुकले अश्रू गालावरती ,
जरी ना आले कोणी पुसाया.
भविष्य ऊज्वल ध्येय ऊरी,
जाऊ गवसनी आकाशी घालाया.
लक्तरे वसनांची झाली ,
प्रदर्शन शरीराचे करते .
निर्धार मनीचा शोभतो,
तेज लोचनी लकाकते.
तान्हुल्याला घेऊन छातीवर,
जपतो भविष्य मी ऊद्याचे.
शपथ या आसवांची घेऊन,
बीज नष्ट करेन विषमतेचे.
कवयित्री
श्रीमती माणिक नागावे
कुरुंदवाड, जिल्हा. कोल्हापूर.
स्पर्धेसाठी
शृंगाररस कविता
विषय - मखमली तन
गोरे गोरे हात तुझे ,
अन् मखमली गं तन.
मऊमऊ दंड तुझे ,
झाले वेडे माझे मन.
स्पर्शता कापरा शरीरात,
दोलायमान मन झाले.
शहारली काया क्षणभर,
बेधुंद , बेबंध विचार आले.
त्या मिठीतला गोडवा ,
आसक्त तनाची ललना.
झाले अधीर मिलनाला,
वेगळीच मनीची कामना .
नवनीत वितळे अग्नीपाशी,
माझेही समर्पण तुझ्याशी.
कामासक्त झाली काया ,
समर्पित भावना मनाशी.
मखमली स्पर्शातला गोडवा,
हवाहवासा सदा मजला.
अंकुरते बीज प्रितीचे ,
दिसले का तव हृदयाला ?
ये अशी तू जवळी माझ्या,
बिलगून अशी तनूशी.
मनामनाच्या तारा छेडूनी,
सजनाला रमू दे सजनीशी.
कवयित्री
श्रीमती माणिक नागावे
कुरुंदवाड, जिल्हा. कोल्हापूर.
स्पर्धेसाठी
शृंगाररस
विषय -मोरपंखी स्पर्श
मोरपंखी स्पर्श तुझा,
सजने लावी वेड मला .
हळुवार काटा शरीरावर,
दिसतो का पहा तुला.
हातात घेता हात तुझा,
रोमांचित झाली माझी काया.
अशी कशी ही कळत नाही,
या सृष्टीची अगाध माया .
नजरेतला तो अबोल इशारा,
सांगून गेला गुज मनीचे.
नकळत छेडल्या तारा ,
पाहून वदन त्या राणीचे .
स्पर्शातला तो ओलावा ,
अलवार जोजवतो मजला.
मोहरतो मी नखशिखांत ,
नाही माहिती तुजला .
मोरपीशी मखमली रंगांचा,
गालीचा अंथरलाय वाटेत.
कधी येशील सहजच माझ्या,
गजगामिनी तू या कवेत.
मनपाखरु माझे भिरभिरते ,
सतत तुझ्याच पाठीवरती .
प्रितगंध तुझ्या फुलातील,
प्रितभ्रमर हे असे प्राशिती.
कवयित्री
श्रीमती माणिक नागावे
कुरुंदवाड, जिल्हा. कोल्हापूर