Sunday, 8 July 2018

दर्पणकाव्य ( विठ्ठल )

दर्पण

विठ्ठल

विठ्ठल
माझा सावळा
विठ्ठल
वारीचा सोहळा आहे आगळा
विठ्ठल
सारे वारकरी भक्तीसाठी याच्या झाले गोळा
विठ्ठल
झाला विठ्ठलमय आसमंत ,पाहून दिंडीचा हा नयनरम्य सोहळा
विठ्ठल
विठ्ठलनामाचा गजर  झाला नाद कानी आला सुखावे मनाला भाव वेगळा
विठ्ठल

रचना
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर

कविता ( गारवा - पावसाळा )

स्पर्धेसाठी

विषय -- गारवा

शिर्षक -- पावसाळा

झाली होती काहिली जीवाची,
तगमग नव्हती सहन होत .
गारव्यासाठी बेचैन सगळे,
जीव होता नुसता तडफडत.

आला पावसाळा एकदाचा,
झाली सुरवात तर चांगली.
उकाडा झाला कमी आता,
ऊष्म्याची झळ ती थांबली.

हवेत आला गारवा हवासा,
समाधानी बैचैन मन झाले.
नकळतपणे चेहऱ्यावर
हास्य आपोआप खुलले.

हिरवीगार हिरवाई छान ,
नक्कीच सगळीकडे दिसेल.
पांग डोळ्याचे फेडताना ,
कष्ट आपोआप हरेल .

राहू दे असाच गारवा ,
जीवन सुसह्य बनू दे .
सुखीसमाधानी बंधुभगिणी
भविष्य भारताचे घडवू दे.

कवयित्री
श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर

दर्पणकाव्य ( पुणे )

दर्पण

पुणे

पुणे
नाही ऊणे
पुणे
आहोत आम्ही ईथे पाहुणे
पुणे
चारपाच दिवस वास्तव्य ईथे आहे करणे
पुणे
ईच्छा आहे माझी ईथे येऊन वडापाव ,मिसळ खाणे
पुणे
जाताना सर्वांना निरोप देऊन त्यांच्या मनात आदराचे स्थान निर्माण करणे
पुणे

रचना
श्रीमती माणिक नागावे
कुरुंदवाड.

षटकोळी ( समाप्ती )

षटकोळी

समाप्ती

एकविसाव्या शतकात झाली
सुरवात प्लॅस्टिक बंदीची
समाप्ती कधी होईल
नाही सांगता येणार
निर्धार सर्वांचा महत्त्वाचा
आपोआप नायनाट होईल

रचना
श्रीमती माणिक नागावे
कुरुंदवाड

कवितेस पत्र

स्पर्धेसाठी

कवितेस पत्र

प्रिय कविता,

आता पत्रास कारण की मला ना तुला पत्र लिहायला सांगीतले आहे. त्यामुळे मी वेळात वेळ काढून हे पत्र लीहीत आहे. कशी आहेस ? छानच असणार .हो ना ?

तूला माहिती आहे का की तूझ्या मैत्रीमुळे कीतीजणांना तू आनंदी केलयस ? कविते तू आहेस म्हणून तर आम्ही साहित्यिक आपल्या मनातील भावना व्यक्त करतो. आनंदी राहतो दुसऱ्यांनाही आनंदी करतो. खरोखरच मनातील भावना बाहेर येण्यासाठी कीती धडपडत असतात म्हणून सांगू तूला.सर्वांना हे शक्य नाही गं.पण ज्यांना ज्यांना तू भेटलीस ना त्यांना त्यांना तू खूप समाधान दिलेस. कारण तूझ्या मैत्रीमुळे ते सर्वजण व्यक्त होऊ शकले.

तूला आठवतयं का आपली मैत्री कशी झाली ती ? आठवलं ना ? मी महाविद्यालयात होते.प्रोफसरांनी मासिकासाठी लिहायला सांगितले होते. मीपण म्हटलं चला आपण एक कविता लिहू.विषय घेतला माझी शाळा.मग काय लागले शब्द आठवायला . आणि हळूहळू शब्द सुचत गेले व तू तयार झालीस.मी तूला वाचायला माझ्या मैत्रीणीला दिली.तीने तूला वाचले व म्हणाली छान झालीय कविता. कविते तूला सांगते मी खूप आनंदी झाले गं तेव्हा.तेव्हापासून आपली मैत्री कायम आहे.

आज तूझ्यामुळेच मला कवयित्री होण्याचा मान मिळालाय.तू आता माझी खूप चांगली मैत्रीण झाली आहेस.तूला सांगते कविते तुझ्याबरोबर माझा वेळ कसा आणि कुठे जातो कळतच नाही बघ.तूला वाचण्यासाठी मी तूला घेऊन परगावी जाते व तिथे वाहवा मिळवते ना तेव्हा खूप बरं वाटतं.ऑनलाईन कीतीतरी कवितावाचन, काव्यलेखन स्पर्धमध्ये मी भाग घेते.आपली मैत्री चांगली असल्यामुळे माझी कविता सर्वांना आवडते.मला प्रमाणपत्रे मिळतात.मला खूप छान वाटते. समधान वाटते मला.तू माझी शब्दमय मैत्रीण आहेह. तूझी मैत्री खूप काळपर्यंत टीकवायची आहे. माझ्या मनातील भावना दुखावल्या वा सुखावल्या तर तूच माझी संगीनी असणार आहेस माझी समजूत घालायला व आनंदात सहभागी व्हायला.

आपण आपली मैत्री माझ्या शेवटच्या श्वासापर्यंत टिकवून ठेवू.हे माझे वचन आहे तूला.तू मला सोडणार नाहीस हा माझा ठाम विश्वास आहे.सतत माझ्या मनातील कल्पनेला प्रोत्साहन देणाऱ्या कविते हे पत्र वाचून मला अभिप्राय नक्की दे.

तूझ्या अभिप्रायाच्या प्रतिक्षेत आहे.

कळावे. लोभ असावा.

तुझीच
माणिक

श्रीमती माणिक नागावे
कुरुंदवाड, ता.शिरोळ,
जिल्हा. कोल्हापूर.

षटकोळी ( प्रवास )

षटकोळी

प्रवास

जात आहे पुण्याला
मुलगीला माझ्या भेटायला
आनंदलय मन माझं
प्रवास चाललाय सुखाचा
आरामगाडी छानच आहे
विचार करतयं तुझं

श्रीमती माणिक नागावे
कुरुंदवाड, ता.शिरोळ
जिल्हा कोल्हापूर

कविता ( गवाक्ष )

स्पर्धेसाठी

चित्रकाव्य

गवाक्ष

जुन्यापुराण्या भिंतीपलीकडे,
जेव्हा मी पाहिले गवाक्षातून.
दृश्य जे दिसले नजरेसमोर,
टचकन आले पाणी डोळ्यातून.

विस्तीर्ण पसरला सागरराजा,
पोटात ठेवलेत रहस्य दडवून.
ईमारतींच्या गर्दीतून पाहता,
जातय मन सहजच दडपून.

प्लास्टिक मुक्तीचा नारा
सागरालाही द्यावा लागेल.
श्वास घेण्यासाठी मोकळी जागा,
त्यालाही आता शोधावी लागेल.

सूर्याची लालसर प्रभा,
पसरलीय छान आकाशात.
कचऱ्याचा ढीग साठलाय,
या अथांग अशा सागरात.

गवाक्ष नाही दाखवत खोटे,
याच देही याची डोळा ,
भोगतोय मानव चुक आपली,
आतातरी प्लॅस्टिक तुम्ही टाळा.

कवयित्री
श्रीमती माणिक नागावे
कोल्हापूर.