Saturday, 11 November 2017

स्वप्न ( दर्पण )

दर्पण

स्वप्न

स्वप्न
मी पाहीलेलं
स्वप्न
सत्यात उतरवण्याचा प्रयत्न केलेलं
स्वप्न
त्यासाठी प्रयत्नांची खूप पराकाष्ठा करावं लागलेलं
स्वप्न
न डगमगता ते पूर्ण होईपर्यंत अविरत पाठपुरावा केलेलं
स्वप्न
सत्यात उतरल्यानंतर मनाचा आनंद गगनभरारी घेत श्रमसाफल्याचा हार गळ्यात मिरवलेलं
स्वप्न

रचना
श्रीमती माणिक नागावे
कुरुंदवाड , ता. शिरोळ ,
जि.कोल्हापूर .

Friday, 10 November 2017

काष्ठशिल्प

स्पर्धेसाठी

     चित्रकाव्य

       काष्ठशिल्प

काष्ठशिल्प म्हणू की चित्र
अंदाज मी बांधत आहे .
कयासांच्या मेळ्यामध्ये ,
मन गोंधळून गेले आहे .

वाटते जसे की वृक्षाच्या ,
फांदीवर अवतरली ललना.
जणू सूर छेडते एकांतात ,
ओढ सख्याची तिच्या मना.

शांत निवांत प्रहरी ,
अलगुज सूर काढती .
वेलींच्या त्या वेढ्याने ,
काया ललनेची भासते .

निष्पर्ण रुक्ष काष्ठ ते ,
सुंदर आकार सुखावते .
भासे जणू घेऊन बासरी ,
अलवार ती वाजवते .

निसर्ग देतो प्रेमळ संदेश ,
प्रेम करावे सर्वांवर .
कुरुप जरी असला वृक्ष ,
प्रेम मात्र करतात शिल्पावर.

कवयित्री
श्रीमती माणिक नागावे
कुरुंदवाड , ता.शिरोळ ,
जि. कोल्हापूर .

न्यायव्यवस्था

लेखणी प्रहार समूह आयोजित चारोळी स्पर्धा

विषय -- न्यायव्यवस्था

उडालाय विश्वास सर्वांचा
अशी आमची न्यायव्यवस्था
न्यायदेवता अबोल , अंध
का दयनीय तिची अवस्था ?

     रचना
श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

Thursday, 9 November 2017

दर्पण थंडी

दर्पण
थंडी

थंडी
गुलाबी बोचरी
थंडी
शरीरात खूप गारठा जाणवणारी
थंडी
हवीहवीशी पण शरीरात ऊब निर्माण करणारी
थंडी
हुडहुडी भरल्यामुळे शेकण्यासाठी शेकोटीची सतत आठवण करुन देणारी
थंडी
गुलाबी भासणारी व असणारी रोज मऊ स्वेटर घालायला भाग पाडणारी
थंडी

रचना
श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

Wednesday, 8 November 2017

आशय आयुष्याचा

स्पर्धेसाठी

     शब्दचारोळी

  आशय आयुष्याचा

समजून घ्यायला हवाय
आशय आपल्या आयुष्याचा
कर्तृत्व , मानवतेने उभा
कळस व पाया जीवनाचा .

      रचना
श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

Tuesday, 7 November 2017

लेख -- शिक्षणाचे महत्व

क्रांतीची फुले समुहातर्फे

      लेख स्पर्धा

विषय -- शिक्षणाचे महत्व

जीवनात जर यशस्वी व्हायचे असेल तर आपल्याला योग्य अयोग्य याचा सारासार विचार करताआला पाहिजे. मनाचा निग्रह महत्वाचा आहे . पण हे सर्व शिक्षणाने सहज साध्य होते .शिक्षण म्हणजे फक्त साक्षरता नव्हे.
       लिहायला वाचायला आले तर तो व्यक्ती साक्षर होईल , पण संस्कारी होईल की नाही हे सांगता येणार नाही.त्यासाठी चांगले , कसदार ,प्रभावी वाचन होणे गरजेचे आहे .शिक्षणाने हे सर्व सहज शक्य आहे .

      शिक्षणाची आवड मनापासून असली पाहिजे. तरच कीतीही अडचणी आल्या तरी त्या पार करुन लिलया त्यातून बाहेर पडता येते . शिक्षणाने मनाची मशागत होते.संस्कारक्षम मन बनते व आपल्या आचरणाने समाजात ती व्यक्ती आदरणीय बनते .

   सर्व थोर व्यक्ती शिक्षणामुळेच महान होऊ शकल्या .मग ते शिक्षण घरचे असूदे नाहीतर शाळेतील असूदे.शिक्षण म्हणजे फक्त पुस्तकी शिक्षण घेणे व त्यात पारंगत होणे नव्हे तर त्या शिक्षणाचा व्यवहार ज्ञानात कीती ऊपयोग करुन घेतो कींवा ते ज्ञान कीती ऊपयोगी पडते हे महत्वाचे आहे .शिक्षण ही अविरत चालणारी प्रक्रीया आहे.

    शिक्षकांच्या पैशावर ठेऊन त्यांना नांवे ठेवणे चुकीचे आहे.चला तर मग आपण शिकूया , शिकवूया , शिकायला मदत करुया.

  धन्यवाद .

श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

ज्ञानवारकरी

स्पर्धेसाठी

     चित्रचारोळी

ज्ञानमंदिराचा खडतर रस्ता
पार करतात ज्ञानवारकरी
भार पाठीवर ज्ञानपालखीचे
गुरुजनांच्या भाराचे धारकरी

      रचना
श्रीमती माणिक नागावे
कुरुंदवाड , ता.शिरोळ ,
जि.कोल्हापूर .