Sunday, 5 November 2017

लेख - प्रसिद्धी आणि साहित्य यामागील साहित्यिकांची भूमिका

लेख स्पर्धेसाठी

विषय - प्रसिध्दी आणि साहित्य यामागील साहित्यिकांची भूमिका.

साहित्य जे मनाला आनंद देते.जे चांगले शिकवते , चांगला विचार करायला शिकवते .यामध्ये लेखा , कविता , कादंबरी , कथा व इतर सर्व साहित्य होय.

प्रसिद्धी म्हणजे गवगवा , ओळख , साहित्याची प्रसिद्धी  म्हणजे त्या साहीत्याचं प्रचार व प्रसार होय. आपले साहित्य जर दर्जेदार , वाचनिय असेल तर ते आपोआपच प्रसिध्द होते.त्यासाठी वेगळे प्रयत्न करायची गरज भासत नाही.
  असे जरी असले तरी सुरवातीला लोकांपर्यत च्यापर्यंत पोहचण्यासाठी प्रसिद्धी ही गरजेची आहे .त्यासाठी ते साहित्य प्रकाशित होणे गरजेचे आहेच.
साहित्यिकांनीही यासाठी प्रयत्न केले पाहिजेत .चांगले व प्रबोधनात्मक लेखन केले पाहिजेत व आपल्या लेखनातून समाजसेवा व जागृती घडवली पाहिजे .कसदार साहित्य आपोआपच बहरुन येते.जसे " सुर्याला  स्वतःचा परिचय करुन द्यावा लागत नाही " तसेच साहित्यिकाचे आहे.

शेवटी प्रयत्नांती परमेश्वर .

श्रीमती माणिक नागावे
कुरुंदवाड ,ता.शिरोळ,
जि.कोल्हापूर .

जीवन नाट्य -- कटु सत्य

काव्यस्पर्धेसाठी  

विषय -- जीवन नाट्य

जीवनाच्या प्रवाहात ,
भेटले अनेक सखेसोबती .
खरा माझा सोबती ,
निघून गेला वरती .

आठवणींच्या हिंदोळ्यावर ,
मन हेलकावे खाते .
वर खाली होताना ,
मन भारावून जाते .

जडावलेल्या अंतःकरणाने ,
मन माझे आक्रंदते .
पाहता चिमुकल्या जीवांना ,
बळेच ते शांत होते .

शोधून मग सापडत नाही ,
मनांत घट्ट रुतून बसतं .
भानावर येता लक्षात येतं ,
कटू सत्याचं ते वास्तव असतं .

कवयित्री
श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

मनाची घुसमट

घे भरारी काव्य मंच

        काव्यस्पर्धेसाठी

विषय -- मनाची घुसमट

काय चाललयं सगळीकडे ,
मला समजेनासचं झालय .
घुसमट मनाची पाहून ,
मन अस्वस्थ झालय .

समजवायचं कुणी कुणाला ,
वाजलाय बाजा संस्काराचा.
नाती विसरलीत आता ,
झाला बाजार अनैतिकतेचा.

कुपमंडुकी वृत्तीने सगळे ,
वागतायत हो घरोघरी .
संस्कृती भारताची महान,
विस्कटली आहे दारोदारी .

सुरक्षिततेची नाही हमी ,
इथे कुणाच्या जीवाची .
रोजच होतात अत्याचार ,
दाद कुणाकडे मागायची ?

बोलेल त्याला गोळी आहे ,
विचार आता बंदी झालेत .
व्यक्त होण्या धडपडतयं मन
कित्येक जायबंदी झालेत .

विचार करुन थकलयं मन ,
विसावा शोधतयं सगळीकडे अराजकता माजलीय खूप ,
धावतंय अशांत मन चहुकडे

कवयित्री
श्रीमती माणिक नागावे
कुरुंदवाड ,ता. शिरोळ ,
जि. कोल्हापूर .

Friday, 3 November 2017

स्वयंशिस्त

स्पर्धेसाठी

     चित्रकाव्य

     स्वयंशिस्त

भाऊगर्दी वाहनांची ,
शहरात दिसते आहे .
शिस्तीच्या नावाचा पहा ,
सावळा गोंधळच आहे .

वाळवंटातील जहाज ,
कसा तो-यात चालतो .
शिस्त बाणली अंगी ,
कोण यांना सांगतो ?

बुद्धीमान मानव जगी ,
झेंडा तिन्ही जगी लावतो .
बेशिस्त वर्तनामुळे त्याच्या ,
जगी तो ओळखला जातो .

मुक्या प्राण्यांकडून आता ,
घ्यावा आम्ही चांगला धडा .
स्वयंशिस्त असते महत्त्वाची,
बेशिस्त तुम्ही आता सोडा .

वाहतुकीची झाली कोंडी ,
सगळेच अडले काम .
ऊंटाची ही रांग सांगते ,
कधी न होई रस्ता जाम .

  कवयित्री
श्रीमती माणिक नागावे
कुरुंदवाड , ता. शिरोळ ,
जि. कोल्हापूर .

Thursday, 2 November 2017

समानता

स्पर्धेसाठी

    चारोळी

विषय -- समानता

स्री-पुरुष समानता हवी का
मानवता ,संवेदनशिलता ?
मनं बदला , विचार बदलेल
बाणवा अंगी क्रियाशीलता .

   रचना
श्रीमती माणिक नागावे
कुरुंदवाड , ता शिरोळ ,
जि.कोल्हापूर .

Wednesday, 1 November 2017

यश

दर्पण

विषय -- यश

यश
मिळाले मला
यश
प्रयत्नांचा मारा त्यासाठी केला
यश
न खचता जिद्द ठेवली त्याच्या जोडीला
यश
सततच्या प्रयत्नांना यश आले , अविरत कष्ट होते साथीला
यश
उंच गगणी यशपताका फडकू लागली,मिळाली शांतता अशांत त्या जीवाला
यश

   रचना
श्रीमती माणिक नागावे
कुरुंदवाड , ता. शिरोळ ,
जि.कोल्हापूर .

बालकामगार

स्पर्धेसाठी

       बालकामगार

पाचवीलाच पुजलय यांच्या ,
गरीबी कुपोषण अपुऱ्या सोयी .
असहाय्य आईबाप राबती ,
मदतीला संगे घेऊन जाई .

बंधन कायद्याचे आले ,
वय चौदा अन् वेळेचे बंधन.
नियम फक्त कागदावरच ,
सरकारच्या डोळ्यात अंजन

शारीरिक कष्टाबरोबरच ,
होतय त्यांच लैंगिक शोषण.
आहे का वाली कुणी यांना ? का करतात फक्त भाषण ?

उज्वल भारताचे सुंदर स्वप्न
साकारण्या सज्ज होऊद्या .
जपू मानवतावाद , सोडुन स्वार्थ ,
जीवनात आनंदवन येऊ द्या.

बालकामगार शाप देशाला ,
समजते देशाची कुरुपता .
बालमनाला अलवार खुलवा
दाखवा देशाची सुंदरता .

  कवयित्री
श्रीमती माणिक नागावे
कुरुंदवाड ,ता शिरोळ ,
जि. कोल्हापूर.