चित्रावरुन कविता
स्पर्धेसाठी
कासाविस जीव
पाण्यासाठी घेतली मी ,
डोक्यावरती ही कळशी .
हातात काठी वार्धक्याची ,
आधार मजला देशी .
खंगली माझी काया ,
पिकले काळे केस .
वाहुन पाणी उन्हात ,
आलाय तोंडाला फेस .
रणरणत्या ऊन्हात ,
रस्ता तो तापलाय .
म्हणुनच मी आज ,
आडवाटेचा रस्ता धरलाय .
झाली वस्त्रांची दशा ,
करपून जाय चेहरा .
कासाविस जीव माझा ,
आहे का यावर उतारा ?
💧💧💧💧💧💧💧
✍✍ कवयित्री✍✍
श्रीमती माणिक नागावे
कुरुंदवाड ,ता.शिरोळ ,
जि.कोल्हापूर , 416106
स्पर्धेसाठी
निरजा काव्यस्पर्धा
विषय -- ज्ञानाचा महामेरु
हाक दिली समाजाला
शिका , संघर्षाने
एकजुट
टिकवा
असावे सदैव
आतुर पुस्तके वाचायला
महामानवाने आयुष्य लावले
स्वकर्तृत्वाने पणाला
मार्ग
स्वताःचे
करुन कष्ट
सहजच त्याने शोधले
बुद्धीजीवी ,घटनेचा शिल्पकार
बंधुभाव पेरला
जनमानसात
आधार
बहुजनांचा ठरला
नमन तुजला त्रिवार
🙏🏻🙏🏻🙏🏻🙏🏻🙏🏻🙏🏻🙏🏻
✍✍ रचना ✍✍
श्रीमती माणिक नागावे
कुरुंदवाड ,ता.शिरोळ ,
जि. कोल्हापूर .
स्पर्धेसाठी
चारोळी
विषय -- संसार
संसार तुझा अन माझा
असाच फुलत राहु दे
आयुष्य आपले सर्वांना
असेच प्रेरणा देऊ दे
👩❤👩 ✍ रचना ✍👩❤👩
श्रीमती माणिक नागावे
कुरुंदवाड , ता.शिरोळ ,
जि. कोल्हापूर .416106
नीरजा समूह आयोजित
महात्मा ज्योतिबा फुले जयंती निमित्त
नीरजा काव्य स्पर्धा
दि. :-11 /04/2017
🙏🏻विषय🙏🏻
*"शैक्षणिक क्रांतिसुर्य"*
दिले सावित्रीस शिक्षण
घातला पाया
स्त्री
शिक्षणाचा
क्रांतिससूर्य झालात
दाखविलात अनेक सुलक्षण
अस्पृश्य उद्धार करण्यासाठी
कारण शिक्षणाचे
सापडले
धडपडले
विरोध पत्करला
संयमी झाले ध्येयासाठी
बहुजन समाजाचे अज्ञान
दारिद्र्य ,जातिभेद
दूर
केले
स्थीरता समाजाला
देऊन झालात महान
🙏🙏🏻🙏🏻🙏🏻🙏🏻🙏🏻🙏🏻
✍✍ रचनाकार ✍✍
श्रीमती माणिक नागावे
कुरुंदवाड , ता.शिरोळ
जि. कोल्हापूर , 416106 .
जुनं ते सोनं
चालताना पाय थकत नव्हते ,
आता चालणच नको झालय .
गावापासून लांब कॉलेज ,
मिळून चालत जात होतो .
सायकलची तर बातच सोडा ,
गाडीशिवाय चालतच नाही .
पूर्वी बोलत जात होतो ,
आता फोनच जादा बोलतो .
संवाद चाललाय हरवत ,
सोबत फक्त नावालाच असते .
शेजारी राहतय कोण याची ,
यात भ्रांतच कुणाला नसते .
पारकट्टा पूर्वीचा पडलाय ओस
तरुणपीढीची पहात वाट .
सायबर कँफेला भुललाय ,
पाहुन त्याचा रोज नविन थाट .
सणसमारंभ झालेतच गायब ,
सहकार्य करण्या कुणी येईना .
आठवण जुन्या काळाची ,
घरदारातील गर्दी हटता हटेना .
व्यायामाला नव्हती तोड ,
घोटीव शरीर पिळदार दंड .
आता एकएक अवयवांनी .
पुकारलाय मोठा बंड .
आता तरी शहाणे व्हा ,
जुनं ते सोनं ठेवा ध्यानी .
कीतीही आधुनिक झालो तरी ,
भूतकाळाला ठेऊया मनी .
श्रीमती माणिक नागावे
कुरुंदवाड , ता.शिरोळ ,
जि. कोल्हापूर ,416106
*काव्यप्रेमी शिक्षक मंच*
व *काव्यप्रेमी परिवार*
➖➖➖➖➖➖➖
*आजचा उपक्रम*
*विषयावरून कविता*
🌷 *विषय*🌹
*मामाचा गाव*
*दिनांक*
*११/४/२०१७*
ओढ लावतो जिवाला ,
छान गाव माझ्या मामाचा .
चिंचा ,बोरे ,कै-या ,रानमेवा ,
आहे मला भरपूर खायचा .
आईबरोबर मलासुद्धा ,
आवडतो माझा मामा .
नेहमीच असतो तयार ,
येतो आमच्या कामा .
गाव माझ्या मामाचं ,
सर्वांच्याच आवडीचं .
सुट्टीतल्या आनंदासाठी ,
आहे स्वर्गाच्या तोडीचं .
संपते कधी शाळा ,
मन झालय अधीर .
गाव माझ्या मामाचा ,
आहे खुपच दूर .
माया आजी-आजोबांची ,
लावते मला लळा ,
आतूर मन भेटीला ,
लागेन कधी त्यांच्या गळा .
श्रीमती माणिक नागावे
कुरुंदवाड , ता. शिरोळ ,
जि. कोल्हापूर , 416106
