अष्टाक्षरी
विषय- माहेर
असे सुरेख माहेर
मना फार सुखावते
आठवण हर घडी
लोचनात ओलावते
आईबाबा पांघरूण
दु:खावर पांघरती
सुख पदरी घालती
माया नेहमी करती
माहेरची नातीगोती
घट्ट मिठी स्नेहधागा
साठवण आयुष्यात
जशी शोभे चंद्रभागा
बंधू माझा पाठीराखा
लाज राखीची राखतो
निरांजने लोचनांची
सदा तेवत ठेवतो
माया सागर प्रेमाचा
नाही आटत कधीही
वाहे मनात सर्वांच्या
व्यथा खूपल्या तरीही
रचना
श्रीमती माणिक कल्लाप्पा नागावे
कुरुंदवाड,ता.शिरोळ
जिल्हा.कोल्हापूर
९८८१८६२५३०
No comments:
Post a Comment