कविता(प्राण्यांची शाळा )

स्पर्धेसाठी

कविता

विषय-प्राण्यांची शाळा

शिर्षक- जंगलातील शाळा

चला चला पाहू या सारे,

आनंदाने प्राण्यांची शाळा.

भेटायला आली सगळे ,

पडती एकमेकांच्या गळा.

सिंह आला गुरुजी बनून,

ओळीत बसून घ्या बरे.

ससा,माकड,वाघ अन् कोल्हा,

आंघोळीसाठी शेजारी झरे.

हरण आले उड्या मारत,

हत्ती आला झुलत झुलत.

झेब्र्याची तर उंचच मान,

अस्वल आले डुलत डुलत.

गमभन ,बाराखडी काढली,

नाही काढली तर हातावर छडी.

माकडांनी कवायत केली.

वरुन मारली खाली उडी.

गाणी गप्पा गोष्टी झाल्या,

शाळा सुटायची वेळ झाली.

घणघण घंटा वाजली जोरात,

सारी प्राणीमुले पळत गेली.

कवयित्री

श्रीमती माणिक नागावे

कुरुंदवाड, जिल्हा. कोल्हापूर