उपक्रम
अष्टाक्षरी
माझी मुलगी गुणांची
शिर्षक- प्रेरणेची ज्योत
कुटुंबात माझी लेक
ज्योत आहे प्रेरणेची
जशी कारंजी हास्याची
माझी मुलगी प्रेमाची
रंग धवल शोभतो
उजळून मुख दिसे
गोलाकार नाकी डोळी
आनंदच मनी वसे
संघर्षाच्या वाटेवर
धीरोदात्त वावरते
यश आपसूक येते
कधी नाही कचरते
मोहमयी जगातील
खोटे चेहरे जाणते
खऱ्यासाठी,न्यायासाठी
लढा निर्धाराने देते
मातृमुखी गौरवर्ण
लेक असे बुद्धिमान
काळजीने सेवा करी
सर्वांचाच स्वाभिमान
अभिमान माझा असे
कौतुकाचा होतो मारा
हळुवार बोलावते
कुटुंबाचा मान खरा
कवयित्री
श्रीमती माणिक नागावे
कुरुंदवाड, जिल्हा. कोल्हापूर
No comments:
Post a Comment