वृक्ष माझा सखा

झाडे लावा , झाडे जगवा,
घोष हा न्यारा.
वृक्षसंवर्धनाचा घेतला वसा,
तडीस नेईल तोच खरा.

घोषणा सरकारी दरबारची ,
2 कोटी वृक्षलागवडीची.
जनजागृती खूपच झाली ,
रोपे जोमात डुलू लागली.

लावली रोपे आता प्रतिक्षा पावसाची ,
गरज आता पाणी आणि मातीची.
जपणूक करूया वृक्षांची ,
चिंता हरेल भविष्याची.

आभाळ बोलले धरतीला ,
वृक्ष माझा सखा.
बोलून गेला आधी ,
हेच आमचा तुका.

भविष्यातील सुखमय जगणे
मानवा तुझ्याच रे हाती.
वृक्षारोपण, संवर्धनाने ,
वाचव तू आता धरती.

---------------------