चित्रचारोळी

 चित्रचारोळी

या हास्याला ना तोड नसे

बालपनीची अल्लड निरागसता

निरखता छायाचित्र स्वतःचे 

ओसंडे मुखी मोदाची निरलसता

श्रीमती माणिक नागावे

कुरुंदवाड, जिल्हा. कोल्हापूर

लेख ( मानवतेची सेवा )

मानवतेची सेवा

अध्यक्ष महोदय,पूज्य गुरुजन वर्ग व माझ्या बाल मित्र-मैत्रीणींनो आज मी आपल्यासमोर मानवतेची सेवा या विषयावर माझे विचार आपणासमोर मांडत आहे.

मानवता म्हणजे मानवाने एकमेकांना समजून घेऊन एकमेकांच्या सुखद:खात सहभागी होणे,त्यांना मदत करणे होय.आपण सर्वांनी एकमेकांशी मानवतेने वागले पाहिजे. घरात मोठ्यांच्या बरोबर बोलताना, वागताना हसत त्यांचा मान ठेवून बोलले पाहिजे.तुम्हाला माहिती आहे का की आपणसुद्धा दररोज मानवतेची सेवा सहज करु शकतो ते? तुम्ही म्हणाल ते कसे काय ? सांगते ऐका.आपण दररोज शाळेत जाताना,संध्याकाळी बाहेर फिरायला जाताना अनेक गरजू व अडचणीत असलेली लोकं पाहतो. व तसेच पुढे जातो. पण जर का आपण या अशा लोकांना मदत केली तर ? म्हणजे जर एखादी आंधळा मनुष्य रस्त्यावरून जात असेल,कींवा त्याला रस्ता पार करायचा असेल तर आपण त्यांना रस्ता पार करण्यासाठी मदत करु शकतो.आजी-आजोबांना मदत करु शकतो.त्यांना त्यांच्या वस्तू शोधून आणून दिली तर त्यांना खूप आनंद होतो.त्याच्याजवळ बसछन गप्पा मारल्या तर त्यांचा वेळही छान जातो.आपल्या वर्गात एखाद्या गरीब मुलगा कींवा मुलगी असेल तर त्यांना मदत करु शकतो.त्यांना हव्या असलेल्या पण त्यांना मिळत नसलेल्या वस्तू घेऊन देऊ शकतो.आपल्या लहान भावंडाना समजावून घेऊन वागले तर आपल्या आपल्यात भांडणे होत नाहीत. घरात शांतता राहते.आपल्या आईवडिलांना आनंद वाटतो.वर्गात दंगा न करता ,मित्र-मैत्रिणी बरोबर न भांडता अभ्यासात लक्ष दिले तर बाकीचेपण तसेच करतील. आपल्याला जास्त मार्क मिळतील व आपला विकास होईल. आपल्या वाढदिवसाच्या दिवशी आपण विनाकारण पैसा खर्च करतो.त्याऐवजी जर एखाद्या अनाथाश्रमात, वृद्धाश्रमात जाऊन त्यांच्यासोबत आपला वाढदिवस साजरा करुन त्यांना गोड जेवण दिले. त्यांना काय हवे ते पाहून त्यांना मदत केली तर वाढदिवस साजरा केल्याचा एक वेगळाच आनंद आपल्याला मिळेल.

अशा प्रकारे विविध मार्गांनी आपण मानवतेची सेवा करु शकतो.हवी फक्त इच्छाशक्ती. मनापासून करायची भावना हवी. तर आपण सारे सज्ज होऊया मानवतेच्या सेवेसाठी. चला तर मग.धन्यवाद.

चारोळी

नवांकुर

नवांकुर मी जगा पाहण्या

उमेद माझी जगावेगळी

श्रीफळातून येता बाहेर

दिसे प्रभा मज मनमोकळी

रचना

श्रीमती माणिक नागावे

कुरुंदवाड, जिल्हा. कोल्हापूर

कविता- ध्येयवादी शास्त्रज्ञ

शिर्षक - ध्येयवादी शास्त्रज्ञ

बालपणीची दुरावस्था साहून

सहनशीलता अंगी बाणली

नाविक पिता संस्कारी थोर

नसानसातून आचरणी आणली

सागरतीरी शंखशिंपले वेचले

तात मग्न सदोदित मासेमारीत 

समुद्रपक्षी नयनी सुखावती 

भरारी आकाशी मनी विचारीत

संघर्षावर मात शिकवण घरची

घडले मन धीर एकमेकांना देती

शिक्षण घेऊन अवकाशाचे 

मनोमनिषा सत्यात आकार घेती

प्रेरणा युवाशक्तीला अग्निपंखाची

प्रज्वलीत मने माझी स्वप्ने उराशी

स्वप्न महासत्तेचे जनतेसाठी मांडले

यशगाथेचे हास्य उभे दाराशी

विराजे राष्ट्रपतीपदी सन्मानाने

शिक्षण समाजसेवेत मन आनंदले

पुरस्कारांच्या रचल्या राशी जीवनी

भारतरत्न अभिमानाने सारे वदले

ए पी जे अब्दुल कलाम कार्यरत

रामेश्वरमची देणगी भारताला 

प्रेरणा वाचनाची उपक्रम सर्वत्र

आदरांजली वाहू ध्येयवादी शास्त्रज्ञाला

कवयित्री

श्रीमती माणिक नागावे

कुरुंदवाड, जिल्हा. कोल्हापूर

9881862530

चित्रचारोळी

शीर्षक _ स्कंदमाता

हाती घेऊन कमलपुष्प सकवार

स्कंदमाता विराजली सिंहकटीवर

सुहास्य वदनी बालकार्तिक पाहून

पंचमदिनी शोभे सुवर्णकांतीवर