चित्रकाव्य
शिर्षक- बाल आनंद
चला खेळूया मैदानावर
सवंगड्यांना घेऊन सोबत
नाही पारावार आनंदाला
जणू अंधारातील तो खद्योत
उंच उडी मारून हवेत
बालक निखळ हसत आहे
घेऊन आधार बॅटचा घट्ट
स्वतःला सहज तोलून पाहे
कुंपण आहे साक्षिला शेजारी
दादा सावरतो मित्राचा तोल
छोटू अनुभवतो क्षण सारे
मिठी दादाची कीती अनमोल
हिरवाई सुचवते नवजीवन
संघर्ष करतच जगायचे
कीती आल्या अडचणी तरी
मनसोक्तपणे हुंदडायचे
शाळा असल्या बंद जरी
कसरत करण्या नको कमी
खेळाबरोबर व्यायामाची
द्यावी सर्वांना हीच हमी
कवयित्री
श्रीमती माणिक नागावे
कुरुंदवाड, जिल्हा. कोल्हापूर
