कविता (सप्तपदी)

ArLiEn KA मराठी प्रेरणा प्रतिष्ठान आयोजित स्पर्धेसाठी 

राज्यस्तरीय काव्य लेखन स्पर्धा 

विषय --  सप्तपदी 

दिनांक २३/११/२५

क्रमांक - ३७

शीर्षक - बंधन विवाहाचे 

मिलन दोन जीवांचे घडते

बंधन विवाहाचे जुळते जेंव्हा

थोरामोठ्यांच्या साक्षीने

वधू वर सप्तपदी घेती तेंव्हा

अन्न अन् पोषणाची पहीली

 सप्तपदी मनोभावे घेतली

ताकद अन् आरोग्याची दुसरी

दोघांच्या मनात रुजली

संपत्ती, समृद्धीची फेरी तिसरी

चौथी आनंद अन् सुखासाठी 

सुपारी ती सरकवती पुढती 

वधू वरांच्या भावी सुखासाठी 

संतती अन् सुखी कुटुंबासाठी 

सप्तपदी मांगल्याची पाचवी

फेरी नव दांपत्याची सहावी

सहकार्य अन् स्नेह दाखवी

सातवी मित्रता, नवविश्वासाची

पुर्ण सप्तपदी भावी जीवनाची

सार सारे संसारातील दाखवी

जोड तयास मंगल कवनाची 

बंध विवाहाचे जुळती येथे

आशिर्वचने ऐकू येती जना

दोन जीवांचा संसार फुलवी 

सार्थकता सकलांच्या मना

कवयित्री 

श्रीमती माणिक नागावे 

कुरुंदवाड 

९८८१८६२५३०

शिक्षणाचे महत्व( लेख)

विषय -- शिक्षणाचे महत्व

जीवनात जर यशस्वी व्हायचे असेल तर आपल्याला योग्य अयोग्य याचा सारासार विचार करताआला पाहिजे. मनाचा निग्रह महत्वाचा आहे . पण हे सर्व शिक्षणाने सहज साध्य होते .शिक्षण म्हणजे फक्त साक्षरता नव्हे.

       लिहायला वाचायला आले तर तो व्यक्ती साक्षर होईल , पण संस्कारी होईल की नाही हे सांगता येणार नाही.त्यासाठी चांगले , कसदार ,प्रभावी वाचन होणे गरजेचे आहे .शिक्षणाने हे सर्व सहज शक्य आहे .

      शिक्षणाची आवड मनापासून असली पाहिजे. तरच कीतीही अडचणी आल्या तरी त्या पार करुन लिलया त्यातून बाहेर पडता येते . शिक्षणाने मनाची मशागत होते.संस्कारक्षम मन बनते व आपल्या आचरणाने समाजात ती व्यक्ती आदरणीय बनते . 

   सर्व थोर व्यक्ती शिक्षणामुळेच महान होऊ शकल्या .मग ते शिक्षण घरचे असूदे नाहीतर शाळेतील असूदे.शिक्षण म्हणजे फक्त पुस्तकी शिक्षण घेणे व त्यात पारंगत होणे नव्हे तर त्या शिक्षणाचा व्यवहार ज्ञानात कीती ऊपयोग करुन घेतो कींवा ते ज्ञान कीती ऊपयोगी पडते हे महत्वाचे आहे .शिक्षण ही अविरत चालणारी प्रक्रीया आहे.

    शिक्षकांच्या पैशावर ठेऊन त्यांना नांवे ठेवणे चुकीचे आहे.चला तर मग आपण शिकूया , शिकवूया , शिकायला मदत करुया.

  धन्यवाद .

श्रीमती माणिक नागावे 

कविता (साडी)

शिर्षक - मोह साडीचा

मोह साडीचा झाला नाही 

शक्यच नाही बाईच्या जातीला 

कितीही कपाट भरले तरी 

साडीच नसते तिला नेसायला 

विविध रंग अन् पोतांच्या 

प्रकार अनेक मोहवणाऱ्या 

साड्या खुलून दिसती अंगी

दिसती आवडीने नेसणाऱ्या 

द्योतक भारतीय संस्कृतीची 

साडी सौंदर्य नारीचे खुलवते 

सहावारी असो वा नऊवारी

मानसिकता सहज फुलवते 

खानदानी सौंदर्य खुलते 

तलम रेशमी साड्यातून 

भपकेबाज रंग लक्ष वेधतो

 दिसती काही उभ्या माड्यांतून

भाग महत्त्वाचा आहे पदर 

आधाराला सदैव मुलांच्या डोईवर 

आली संकटे कितीही समोर

झेलती सहज ती पदरावर 

कवयित्री 

श्रीमती माणिक कल्लाप्पा नागावे कुरुंदवाड

चारोळी ( स्वावलंबन)

 - स्वावलंबन

 नको अवलंबून दुसऱ्यावर 

काम स्वतःचे स्वतःच करू 

अथक परिश्रमात आनंदाने 

श्रम साफल्याची कास धरू

रचना 

श्रीमती माणिक कल्लाप्पा नागावे कुरुंदवाड

चारोळी (हिंदी भाषा )

 – हिंदी दिवस

हिंदी जनमानसकी भाषा

है हमारी प्यारी राजभाषा 

साहित्य की विधा खूब इसमें

है सारे भारतीयोंकी आशा 

रचना 

श्रीमती माणिक कल्लाप्पा नागावे कुरुंदवाड

चारोळी ( तूफान)

- तुफान

मनाच्या खोल खोल डोहात 

तुफान घोंगावतयं विचारांच

नाही सापडतं उत्तर सहजी

स्मरण करावे सकारात्मकतेचं

रचना 

श्रीमती माणिक कल्लाप्पा नागावे कुरुंदवाड

चारोळी (नातं मनातलं )

विषय - नातं मैत्रीचं 

फुलत जातं दिवसेंदिवस 

नातं मैत्रीचं एकमेकातलं 

निस्वार्थी प्रेमाची एक निशाणी 

जाणून घेते सहजच मनातलं 

रचना 

श्रीमती माणिक कल्लाप्पा नागावे कुरुंदवाड